Óhollt.

Ég hef oft prísað mig sæla fyrir að alast upp í Skandinavíu þar sem nekt þykir ekkert tiltökumál. Tvær af uppáhaldsbókunum mínum innihéldu myndir þar sem sást í  tippi og brjóst en það var ekkert klám heldur bara Bróðir minn Ljónshjarta eftir Astrid Lindgren og Ástarsaga úr Fjöllunum eftir Guðrúnu Helgadóttur þar sem tröllin elskast svo mikið að jörðin skelfur! Mamma mín tók þessa bók fyrir í Bandaríkjunum á kennaraþingi og ein kona kom til hennar og hvíslaði að henni að hún vonaði að hún myndi ekki lenda í vandræðum fyrir að sýna börnum þetta.  

 ... 

Ég hugsa að það sé óhollt fyrir fólk að hugsa um nekt eins og hún sé einhver viðbjóður. Þegar að brjóst er meiri skaðvaldur en morð hlýtur að vera eitthvað mikið að. 

Það er kannski ekkert skrýtið hvað er mikið um ofbeldi og kynferðisglæpi þarna úti þegar að þetta eru skilaboðin sem fólk fær.  Það er alltílagi að kona sjáist nakin eins lengi og hún lætur eins og hóra í bönnuðu efni en ef glittir í hold á venjulegri manneskju þá er það mannskemmandi. Ekki gleyma því að alls ekki má sjást í nakinn karlmann neðanmittis því að það er beinlínis hótun við sómasamlegt fólk.

Þetta er náttúrlega hrikalega sorglegt. 

 

ABC gert að greiða háa nektarsekt

jamm...

"hingað til sannast aðeins að mannseskjur lifðu í Henan fyrir 80-100.000 árum"

 

Mannseskjur? Voru þetta ekki bara mannsveskjur?

Æi þið fyrirgefið, ég er svefnvana og snjóþreytt.

En já, 100.000 ára mennsk hauskúpa... Var Adam þá Kínverskur? Er Xuchang gamli Eden garðurinn? Þetta er allt saman svaka spennandi. 

100.000 ára mennsk hauskúpa finnst í Kína

Sviðsetja?

Ég vissi ekki að það væri glæpur að sviðsetja rán. Að fremja rán vissulega en á nú líka að fara að handtaka leikara um borg og bý?

 

Í gæsluvarðhald vegna gruns um rán

Mýs eru góðar.

Æi þetta er ekkert að gera sig.

Minnir á vísindaskáldsögur og framtíðardraumóra þar sem fólk gengur inn í íbúðina sína og segir, "Computer, turn on the lights, fix me a drink and play some music."

Þá kemur iðulega vélræn en þægileg kvenmannsrödd og svarar, "Will that be the usual?" 

Ef að það kemur vélræn en þægileg karlmannsrödd þá minnir það óþægilega mikið á línuna, "I'm sorry Dave, I'm afraid I can't do that. " Og enginn vill það!

Þetta er rosalega skemmtileg tilhugsun en nennir maður þessu sjálfur? Það komu símar á markaðinn sem hægt var að nota með tal-skipunum og ég hef eiginlega ekki séð neinn nota þetta.

Jú, JD í Scrubs. "Call Elliot. No, Elliot. No...nono. Ell-eee-ottt". Ekki mikið að virka.

Málið er að ég held að flestir vilji ekkert nota tal til að skipa tölvum fyrir. Og snertiskjáir eru sniðugir í bíómyndum en svo nær það ekkert lengra. Mér finnst skjárinn minn eiga við nóg að glíma þótt ég fari ekki að klína hann út með puttunum líka.

 

 

Gates: Tölvunotkun mun breytast

Skreytum hús í einum grænum, falalalala lalalala~

 

Nú er að birta og um að gera að borða sem mest til að lifa af Janúar og Febrúar.

Hafið það innilega gott! 

Er Klám Rót Alls Ills?

Mesta klámvæðingin í mínum huga er í tísku og tónlistastefnunni og þeirri umfjöllun sem þeim fylgja. Mér finnst allt í lagi að hafa klám ef maður þarf að leita að því en það er frekar þreytt að vera að rekast á það dagsdaglega. á poppTV eða jafnvel bara í auglýsingum.
Mér finnst persónulega að það ætti að vera svona góðlátlegt "uss" í kring um klám.

Annars er klám alltaf uppspretta af allskyns umræðu, bæði fyndinni og sorglegri.

Ein tegund af femínistum vill að það sé hannað sérstakt klám fyrir konur því að mestallt klám í dag er fyrir karla og sækja því margar konur í hommaklám bara til að þurfa ekki að horfa á kynsystur sínar í gegnum augu karlmanna. "More power to them" segi ég nú bara.

Önnur tegund af femínistum vill banna allt klám  . . .

Já, ég þurfti augnablik til að melta þá hugmynd!

Ég held að fyrsta klámið  hafi verið mynd gerð á steinvegg í fornöld.

Þetta er svo ríkt í mannseðlinu að dónast og hugsa "ljótt"og í raun og veru er ekkert ljótt við þetta. Við erum bara svo þróuð að allt svona dýrslegt má ekki sjást. Sem er svosem allt í lagi en það þarf samt ekki að útiloka það alveg. Eða viljum við vera eins og liðið í myndinni Demolition Man?
Svo er þetta verið að gefa til kynna að konur séu algjörlega kynlausar og stundi bara kynlíf til að geðjast karlmönnum. Þvílík endemisvitleysa!

Það er til margskonar klám. Ég sá eina um daginn þar sem leikararnir virtust skemmta sér konunglega og það var meira að segja hlegið. Daman var ekki útúrdópuð eða með neglur á lengd við hárið, heldur bara venjuleg stelpa sem djókaði í gæjanum og virtist hafa það gott á meðan á gamninu stóð.
Svo hef ég nú reyndar rekist á auglýsingar einsog "real rape, real russian ladies taken by real force" eða eitthvað álíka og fer nú um mann hrollur - þótt þetta sé flestallt örugglega (illa) leikið ef litið er til hversu oft þeir segja "real".

Það er ekkert það sama að vera á móti klámi eða að vera á móti klámi. Það eru til konur sem eru í kynlífsiðnaðinum af því að þær skemmta sér við það og fá vel borgað.
Svo eru til konur og karlmenn (!) sem eru í þessum iðnaði vegna þess að þau hafa ekkert val.

Svarið við nauðung í klámi er því ekki að banna klám heldur að styrkja mannréttindi fólks og auka úrræði fyrir fátæka. Ef manneskja í nauðung hefði stað til að flýja á og fá hjálp væru færri í nauðung, það segir sig sjálft.
Að taka myndir er leyfilegt, að stunda kynlíf er leyfilegt en svo er allt í einu bannað að taka myndir af því að verið er að stunda kynlíf?

Það er líka meingallað að ætla að kæra Visa fyrir að ýta undir klám. Birtist þetta ekki allt á reikningnum undir dulnefni fyrirtækisins? Það er ekki eins og standi "Harcore porn - one month subscription $50".

...Eða hvað? Er ég að missa af einhverjum mikilvægum staðreyndum?

Ég hugsa að femínistar sem standa í þessu alla daga séu bara orðnar pirraðar og reiðar yfir stóru hlutunum og láta því minnstu smáhluti ná til sín.  Eða kannski eru þær bara svolítið klikk. Aldrei að vita!

Femínistafélagið kærir Vísa-klám

Mikill missir?

Það er orðið afskaplega þreytandi að sjá fólk tjá sig um hluti án þess að kynna sér þá til hlítar eða jafnvel bara að kíkja á þá rétt sem snöggvast til að fá smá yfirlit. Það er allt of algengt í bloggheimi að fólk bara ryðjist áfram með lokuð augun og hnefana (já og lyklaborðin) á lofti.
Þetta kom til dæmis vel fram í opnu bréfi frá ökumanni jeppa sem lent hafði í slysi og var sár yfir því sem bloggarar höfðu að segja. Fólk sem hafði ekki hugmynd um það hvað í raun og veru gerðist en lét ímyndunaraflið hlaupa með sig í gönur.

Og nú er það umræðan um Siðmennt.
Nú þykir mörgum kristnum mönnum það víst mannréttindabrot að þeir fái ekki lengur að vaða yfir minnihlutann með sínar hugmyndir.
Það er náttúrlega eingöngu gaman af jafnrétti ef það þýðir að maður fær eitthvað upp í hendurnar, en alls ekki ef að maður þarf að láta eitthvað frá sér. Þetta er mannlegt sjálfselsku-eðli og skiljanlegt sem slíkt en það þarf ekki að rífast yfir öllum smáatriðum, eða hvað?

Hverju tapar kristnir foreldrar í raun og veru ef kristnifræðsla fer ekki fram í skólum? Jú, nú þurfa þeir víst að drattast til að kenna krökkunum sínum þetta sjálfir en er það ekki bara fínt? Að deila sinni trú með barni sínu og eiga góðar stundir saman yfir biblíusögunum? Ég myndi halda það og myndi sjálf vilja kenna börnunum mínum það sem stendur hjarta mínu næst. Í raun fyndist mér það svekkjandi ef að ég kæmi með uppáhalds bókina mína og vildi lesa hana með barninu mínu bara til að fá svarið,
"'Æi mamma. Við vorum að lesa þetta í skólanum."
Ég tala nú ekki um þegar að margir krakkar virðast fara í gegnum tímabil þar sem allt sem er kennt í skólanum er leiðinlegt. En nóg um það!

Hvað græða þeir sem ekki eru kristnir á því til samanburðar? Jú, þeir þurfa ekki að horfa upp á vanlíðan barnanna sinna þegar endalaust er verið að vekja til máls á hlutum sem ganga þvert á þeirra lífstíl. Þeir þurfa ekki að tilkynna skólastjórnendum hverrar trúar þeir eru og þeir þurfa ekki að velja að láta börnin sín sitja frammi á gangi á meðan prestar koma og hjala við börnin. Ja, eða láta þau sitja undir því sem þeir telja lygar.


Í fréttablaðs bakþönkum í dag segir Þórhildur Elín Elínardóttir, "Hugmyndir um að banna biblíusögur í barnaskólum vegna þess að vantrúarhitinn ber fáeina einstaklinga ofurliði er eins og að vilja banna kjötbollur í mötuneytinu vegna þess að Gudda í bókhaldinu er grænmetisæta.".

Nei Þórhildur, þú fyrirgefur en þetta er kjánaleg samlíking. Það sem er í raun að gerast í skólum núna er sambærilegt við það að Gudda þurfi alltaf að fara eitthvert annað til að borða hádegismatinn sinn af því að það eru bara bornar fram kjötbollur í mötuneytinu.
Og það sem talsmenn Siðmenntar vilja er að það sé boðið upp á salat og fisk líka, já og jafnvel súpu!


Þeir sem hafa áhyggjur af því að jóla undirbúningur og páskagleði verði undir vegna þessa ættu að minnast þess að bæði jól og páskar eru líka heiðnar hátíðir og mjög auðvelt að vísa til þess að verið er að fagna nýrri uppskeru á páskum og endurkomu dagsljóss á jólum. Þetta eru náttúrulegir hlutir sem auðvelt ætti að vera fyrir allra handa trúaða sem og trúlausa að sætta sig við.

Siðmennt svarar biskup

Bilun.

Er konan á dópi? Ég sá þessa frétt á Livejournal í morgun og þar kom fram að dómarinn segir að stúlkan hafi gefið samþykki sitt.

Þið fyrirgefið að ég á erfitt með að ímynda mér að hvaða stúlka sem er gefi 9 karlmönnum samþykki fyrir kynlífi, hvað þá ef hún er tíu ára gömul!

Ég á líka erfitt með að ímynda mér að dómurinn hefði verið svona léttvægur ef ekki hefði verið um frumbyggja að ræða. Lítil hvít stelpa lendir í hópnauðgun? Þeim hefði verið slátrað. 

Nauðgunardómur fordæmdur í Ástralíu

Graffiti.

Mig hefur einu sinni langað til að vera graffiti listamaður og það var þegar að ég var á ferð á Hverfisgötunni.

Þá var ein af þessum erótísku búðum með risastóra mynd af einhverri gellu í sexí undirfatnaði.

Mig langaði heilmikið til að koma aftur um nóttina með úðabrúsa og teikna á hana föt.

Ekki það, ég fíla erótík og já, jafnvel klám! En ég vil þurfa að sækja það og er orðin mjög þreytt á því að því sé troðið upp á mann dags daglega í fjölmiðlum og núna útá götu.

Ég lýsi hér með eftir góðum veggjakrotara sem getur teiknað smart föt á konuna ef hún er þarna enn!

 

 Hvað varðar veggjakrot/veggjalist þá er ég á báðum áttum. Vitaskuld á maður ekki að vera að krota á annarra hús, en stundum eru þetta rosalega flottar myndir og  ætti að leyfa fólki að hafa einhverja staði til að stunda þessa iðju. Það er fullt af ljótum, leiðinlegum og hráslagalegum stöðum á landinu sem væri allt í lagi að lífga aðeins upp á.

Til dæmis bjó ég nálægt Eiðistorgi í tvö ár og þar eru undirgöngin alveg fáránlega leiðinleg eftir að málað var yfir verkin sem þar voru.  Ég og sambýlingarnir bjuggumst alltaf við að það myndi koma nýtt upp en það hefur ekki gerst enn.

 Þarna mátti finna vélmenni og stórfyndna kisu meðal annars.

Göngin  

og frá öðru sjónarhorni.

 Ég sé mest eftir að hafa ekki tekið mynd af kettinum sem þarna var. Hélt alltaf að ég gæti komið aftur og tekið fleiri myndir en raunin varð önnur.

Nú er búið að mála göngin kríthvít og það er leiðinlegt og niðurdrepandi að labba þarna í gegn. Ég er alltaf að bíða eftir því að einhver lífgi upp á þetta en það hefur ekki verið gert í 2 ár.

Það er ekki langt síðan að út kom Icepick sem er bók eftir Þórdísi Claessen um íslenska götulist. Ég neyddi bróður minn til að kaupa hana (hehe) og hún er mjög flott. Frabær hugmynd að  mínu mati!

Svona í lokin, ef þið vitið ekki hver Banksy er þá verðið þið að fara hingað.

Hann er gott dæmi um ólöglegla veggjalist sem -virkar-.

 

Netvæðing veggjakrotsins

Auðvitað er maður ekki á móti jólunum.

Halló, þið sem ekki vissuð.

Jólin eru heiðin hátíð. Eða var Kristur kallinn negldur á jólatré? Hélt ekki. Hér erum við Íslendingar, Kristna þjóðin, með gyðingaljós í gluggunum, gömul heiðin jólatré í stofunni, þrettán óþekka jólasveina og ekkert af þessu hefur neitt að gera með biblíuna.

Þetta er ljósahátíð sem Kristnum mönnum fannst upplagt að notfæra sér og yfirfæra á sín trúarbrögð frekar en að kynna nýjar dagsetningar. Rétt eins og páskarnir sem eru líka heiðin hátíð uppskeru. 

Ég er trúlaus en ég held alltaf upp á jólin og fagna því ljósi og yl sem þau bera með sér.  

Siðmennt ekki á móti litlu jólunum